Павлодар облысында заңсыз балық аулаған Ресей азаматы қолға түсті

Шідерті ауылы маңындағы Қантай көлінен аумен балық аулады деген күдікпен Ресей Федерациясы азаматы ұсталды.

Тексеру кезінде 62 жастағы ер азаматынан 5 ау, резеңке қайық пен жүзден астам тұқы балығы табылып тәркіленді. Сондай-ақ Көктөбе ауылдық округінің Шыған ауылының маңындағы Белая өзенінің жайылмасында 49 жастағы жергілікті тұрғын ұсталды. Күдіктінің қайығынан салмағы 14 келі бекіре тұқымдас балық табылған.