423,91 504.32 5.82
+7 (7172) 757 485 24kz@khabar.kz

Алматыда тау бөктерінен өрт шықты

  • 122
  • UPD: 17:36, 05.09.2021
Алматыда тау бөктерінен өрт шықты

Алматы маңындағы тау бөктерінде қураған ағаштар өртеніп жатыр,  деп хабарлайды Хабар 24 Алматы қаласы Төтенше жағдайлар департаменті баспасөз қызметіне сілтеме жасап.

ТЖД мәлеметінше, 5 қыркүйекте сағат 16:05-те Медеу ауданындағы Думан ықшамауданы, Аман Бөктер көшесі 46-үй маңында қураған ағаштар өртеніп жатқаны анықталған. Өрт сөндіру бригадасы дереу оқиға орнына барды.

«Оқиға орнына жеке құрамнан 25 адам, 5 техника, табиғи өртті сөндіру жөніндегі жиынтық жасақ қосымша жіберілді. Солтүстік жағынан өрт ошағының жеке секторға өту қаупі туындады. Оларды оқшаулау үшін өрт оқпандары берілді», – деді ТЖД өкілі.

ТЖД мәліметінше, бұл – облыс аумағы. Бірақ Думан ықшамауданы тұрғындарынан қоңырау көп түсуіне байланысты Алматы ТЖД Өрт сөндіру жасақтары жіберілген. Алдын ала мәлімет бойынша, өрттің бірінші ошағы 1 гектарды, екіншісі - 1,5 гектарды шарпыған.

Хабар 24 телеарнасы