Талдықорғанда көлік иелерінен жүйелі түрде пара алып отырғандар ұсталды

Алматы облысында көліктік бақылау инспекциясы қызметкерлерінің заңсыз әрекеті әшкереленді.

Бөлім басшысы мен оның қарамағындағы екі маман 2021-2022 жылдар аралығында көлік иелерінен жүйелі түрде 50 мыңнан 280 мың теңге аралығында пара алып отырған. Сол үшін оларды әкімшілік жауапкершіліктен босатқан, деп көрсетілген сыбайлас жемқорлыққа қарсы іс-қимыл агенттігі таратқан мәліметте. Ұлттық қауіпсіздік комитеті, көліктік прокуратура және жемқорлыққа қарсы облыстық департамент қызметкерлерінің бірлескен жұмысы нәтижесінде қолға түскен күдіктілер уақытша ұстау изоляторына қамалды.