Рудныйда бір айда 85 рет ереже бұзған жүргізуші ұсталды

Рудный қаласында бір айда 85 рет жол ережесін бұзған жүргізуші ұсталды. 

Оның айыппұл сомасы екі миллион теңгеден асып түскен. Рейд барысында облыс орталығында тағы бір жүргізуші жауапқа тартылды. Қостанай тұрғыны 47 рет ереже бұзыпты. Енді бір миллион теңге көлемінде айыппұл төлеуге тиіс. Ал көліктері  айып тұрағына қойылды. Жалпы жыл басынан бері өңірде жауапсыз жүргізушілерге 265 миллион теңгеге 42 мың әкімшілік айыппұл салынған. 

Серік Әбдіхалықов, ПД әкімшілік практика бөлімінің басшысы:

- Автоматты түрде Автоураган және «Еркін патруль» системаларымен анықталған. Рудный қаласындағы жүргізушіде жүргізуші куәлігі мүлдем болмаған. Ал Қостанай қаласындағы «Мазда» көлігінің иесінде сақтандыру полисі болмаған. Сондықтан нұсқаулар үйлеріне жеткізілмеген.