Көкшетауда мұнара кран құлап, бір адам жазатайым көз жұмды

Оқыс жағдай салынып жатқан тұрғын үй кешендерінің бірінде болған, деп хабарлайды «Хабар 24».

Жедел-жәрдем қызметі жеткенше, кран жүргізуші көз жұмды. Қазір тергеу басталды.

Гүлнәр Пинчук, облыстық ПД баспасөз қызметінің жетекшісі:

- Оқиға салдарынан 28 жастағы азамат қайтыс болды. Осы іс бойынша полицейлер Қазақстан Республикасы Қылмыстық Кодексінің 277-бабының  2-ші бөлігі «тау-кен құрылыс жұмыстарын жүргізудің қауіпсіздік қағидаларын бұзу» бойынша сотқа дейінгі тергеп-тексеруді бастады. Оқиғаның мән-жайы анықталып жатыр.