Атыраудағы сауда-ойын сауық орталығында өрт шықты. LIVE
Атырауда сауда-ойын сауық орталығында өрт шықты, деп хабарлайды 24kz.
Оқыс оқиға кешкі сағат 19.00-ге таяу Құлманов көшесіндегі нысанда болған. Қызыл жалын лапылдаған бейнекадрлар әлеуметтік желіде тарап жатыр. Апат орнына жеткен құтқарушылар сол сәтте ғимарат ішінде болған 80 тұрғынды қауіпсіз жерге көшірді. Оның 45-і бала. Ресми ақпаратқа сүйенсек, зардап шеккендер жоқ. Ал оттың неден тұтанғаны әзірге белгісіз. Тілсіз жауды ауыздықтауға, жеке құрамның 90 қызметкері мен 12 техника жұмылдырылды.