Ақтөбе облысында жолда қалғандар құтқарылды

Ақтөбе облысында батпақта тұрып қалған 7 адам құтқарылды.

Оның үшеуі бала. Диспетчер пультіне Ырғыз ауданының Нұра ауылынан жолға шыққан 7 адамның жоғалғаны туралы хабарлама түскен. Іздеу жұмыстары кезінде жолаушылар мінген көлік елді мекеннен 30 шақырым қашықтықта батпақта кептеліп тұрғаны анықталды. Құтқарушылар оларды аман-есен үйлеріне жеткізді. Ешқайсы медициналық көмекке мұқтаж болмаған.