Қарағанды облысында құрылысшы биіктен құлап кетті

Қарағанды облысында құрылысы жүріп жатқан зауыт аумағында ер адам биіктен құлап, мерт болды.  

Марқұм монтаждау және дәнекерлеу жұмыстарын жүргізіп жатқан мердігерлік фирманың қызметкері болған деген болжам бар. Ол оқиға орнында көз жұмды.

«Салынып жатқан Qaragandy power Silicon зауытында жазатайым оқиға фактісі бойынша ҚР ҚК-нің 156-бабы, 3-бөлігі: «Абайсызда адам өліміне әкеп соққан еңбекті қорғау ережелерін бұзу» бойынша сотқа дейінгі тергеу басталды. Бірқатар қажетті сараптама тағайындалды. Жағдай анықталып жатыр», деп хабарлайды Қарағанды облысы Полиция департаментінің баспасөз қызметі.