Мемлекеттік қызметке кәсіби білікті мамандарды тарту керек – Қ. Тоқаев
Кадрлар құрамын жаңартуда саяси науқаншылдыққа жол бермеу керек. Президент мемлекеттік қызметке кәсіби тұрғыдан білікті мамандарды көптеп тарту қажеттігін айтты.
Олар тиімді ұсыныс, пайдалы бастамалар көтеріп, батыл шешім қабылдай алуы тиіс. Елде осы үдеріс биліктің бүкіл тармағында және барлық деңгейде жүргізіліп жатыр. Мәселен, Президенттік жастар кадрлық резерві – соның дәлелі. Резервке қосылуға өтініш берген 30 мыңға жуық үміткерден 450 адам іріктелген. Олардың 72%-і басшылық қызметке тағайындалды.