Қазақстан Қытай нарығында панда-облигациялар шығарды
Қазақстан алғаш рет Қытай қор нарығына жалпы құны 3,4 млрд юань болатын панда-облигациялар шығарды.
Бағалы қағаздың жылдық табысы - 1,9%. Қазірдің өзінде инвесторлар тарапынан сұраныс екі есе артқан. Сарапшылардың пайымынша, бұл Қазақстанның макроэкономикалық тұрақтылығына деген жоғары сенімді білдірді. Әрі елдегі қаржылық реформалар мен саяси өзгерістердің нәтижесі деп бағалайды. Осылайша, Қазақстан BBB рейтингінде ең төменгі мөлшерлемемен облигация орналастырып, рекорд орнатты.