Құрылтай отырысының бірінші шақырылымда Қазақстан Республикасы Құрылтайының жанынан 50 адамнан тұратын Қоғамдық палата құру туралы маңызды шешім қабылданды, бұл туралы депутат Айдос Сарым баяндады деп хабарлайды «24KZ».
Жаңа тұрақты жұмыс алаңы депутаттардың сарапшылармен, ғалымдармен, азаматтық қоғам, кәсіби бірлестіктер және өңірлер өкілдерімен тікелей өзара іс-қимыл жасауын қамтамасыз етуге тиіс.
Палатаның басты міндеттерінің бірі - заң жобаларын «нөлдік оқылым» сатысында қоғамдық және сараптамалық тұрғыдан жан-жақты зерделеу. Бұл тәсіл құжаттарды әзірлеу кезеңінде кәсіби ұсынымдарды, балама ұстанымдар мен ұсыныстарды ескеруге кең мүмкіндік береді. Сондай-ақ бұл алаңда еліміздің қоғамдық-саяси және әлеуметтік-экономикалық дамуының өзекті мәселелері талқыланатын болады.
Жақын арада Құрылтай Бюросы Қоғамдық палата туралы арнайы ережені бекітіп, оның нақты құрамын айқындайды және басшылық лауазымдарға тағайындау жұмыстарын жүргізеді деп күтілуде. Бұл бастама заң шығару үрдісінің ашықтығын арттырып, жұртшылық пен сарапшылар қауымдастығының елдегі маңызды шешімдерді қабылдауға белсене қатысуына жол ашады.
