Республика күніне ұлттық мереке мәртебесі қайтарылады

Республика күніне ұлттық мәртебені қайтару бастамасы Президентке тиесілі.

Бұл ұсынысты Мемлекет басшысы Ұлттық құрылтайдың бірінші отырысында айтқан еді. Қазанның 25-і еліміздің басты мерекесі болу керек, деді Қасым-Жомарт Тоқаев. Оның мән-мағынасын 16-маусымда айтқан сөзінде жіктеп-жіліктеп түсіндірді.

Қасым-Жомарт Тоқаев Қазақстан Республикасының Президенті:

«Мен Республика күніне ұлттық мереке мәртебесін қайтаруды ұсынамын. Сондықтан қазанның жиырма бесі күні жыл сайын Егемендік күнін еліміздің басты мерекесі ретінде атап өтуіміз керек. 1990 жылы 25 қазанда Қазақстанның егемендігі туралы декларация қабылданды. Бұл еліміздің тәуелсіздік жолындағы тұңғыш қадамы болатын. Осы құжатты қабылдаған кезде Тұңғыш Президент Нұрсұлтан Назарбаев аса маңызды, тіпті шешуші рөл атқарды. Республика күні елдің мемлекет құру жолындағы тарихи қадамының символы болуы керек. Әрине Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Бірақ тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек».