Жәнібек Әлімханұлы әлемдік рейтингте «Канелоны» басып озды
Қазақстандық боксшы Жәнібек Әлімханұлы Boxing Metrics нұсқасы бойынша (P4P) рейтингінде мексикалық Сауль Альварестен жоғары орынға көтерілді, деп хабарлайды «24KZ».
WBO тұжырымы бойынша орта салмақтағы әлем чемпионы рейтингтің 6-орнына жайғасса, «Канело» 8-сатыда қалды. Бұған дейін қазақстандық боксшы бесінші орында болған, алайда оны ресейлік Дмитрий Бивол басып озды.
Әзірге Жәнібек кәсіби мансабында бірде-бір рет жеңіліп көрмеген. Оның еншісінде 17 жеңіс бар, оның 12-сі нокаутпен аяқталған. Соңғы жекпе-жегінде ол франциялық Анауэль Нгамиссенгені техникалық нокаутпен жеңген болатын.