Криштиану Роналду Еуропа чемпионатында әлем рекордын қайталады
Футболдан Португалия құрамасының шабуылшысы Криштиану Роналду Еуропа чемпионаты топтық кезеңінің Францияға қарсы үшінші тур матчында (2:2) дубль жасады, деп хабарлайды Vesti.kz.
Пенальтиден салынған екінші гол португалиялық футбол үшін ұлттық команда сапындағы 109-шы доп болды. Осылайша, Роналду ирандық Али Даеидің (109) әлемдік рекордын қайталады.
Сонымен қоса, Роналду Еуропа мен әлем чемпионаттарында жалпы 21 гол соғыпты – бұл да рекорд. Еурода салғаны 14 доп екен. Португалиялық шабуылшы бұл көрсеткішпен Германия құрамасының бұрынғы форварды Мирослав Клозе рекордын бұзды – әлем чемпионатында 16 гол және Еуропа чемпионатында үш гол.
Оның үстіне Криштиану бес голмен EURO-2020 сұрмергендері тізімінде бірінші келеді.
Португалия құрамасы Еуроның 1/8 финалына шығып, келесі ойында Бельгиямен кездеседі.