Г. Головкин қола жүлдегерлерді құттықтады

Қазақстан Ұлттық Олимпиада комитетінің президенті Геннадий Головкин Париж Олимпиадасының алғашқы меделін иеленген Александра Ле мен Ислам Сәтбаевты жеңіспен құттықтады.

Ол еліміз үшін бұл жарқын сәт үлкен белестердің бастамасы болуын тіледі. «1996 жылы АҚШ-тың Атланта қаласында өткен Олимпиададан кейін спортшыларымыз нысананы көздеу бойынша Олимпиада тұғырына қайта көтерілді. Осы жеңіс арқылы сіздер асқан шеберлік пен табандылық көрсетіп, отандық Олимпиада тарихында есімдеріңізді қалдырдыңыздар», – деп атап өтті Геннадий Головкин.