Париж-2024: Қазақстан дзюдо құрамасы ІІ орында

Қазақстанның дзюдо құрамасы Жапониядан кейін екінші сатыда тұр, деп хабарлайды 24kz.

Күншығыс елінің дзюдошылары осыған дейін 2 алтын, 3 қола медальді олжаласа, Қазақстан қоржынында 1 алтын және 1 қола медаль бар. Бұған дейін Елдос Сметов 60 келіге дейінгі салмақта топ жарып, Олимпиада чемпионы атанды. Ол ақтық сында франциялық Мхеидзеден басым түсті. Ал қоржынға қола медалді Ғұсман Қырғызбаев салды. 66 келіге дейінгі салмақта күрескен Ғұсман қола жүлде үшін болған белдесуде сербиялық Бунчичтен айласын асырды. Ал Қазақстан құрамасынан кейін бір-бір алтыны медалі бар Әзербайжан, Канада және Өзбекстан құрамасы орналасқан. Сондай-ақ бүгін 81 келі салмақта Абылайхан Жұбаназар, ал әйелдер арасында 63 келіге дейінгі салмақта Эсмигүл Куюлова татамиге шығады.

Команда: алтын, күміс, қола

1. Жапония – 2 0 3
2. Қазақстан – 1 0 1
3. Әзербайжан – 1 0 0
4. Канада – 1 0 0
5. Өзбекстан – 1 0 0