Париж - 2024: кезекті жарыс күні. LIVE

Сонымен қоржынымызда төрт медаль бар.

Оның біреуі - алтын. Франция астанасы Париж қаласында Олимпиада ойындары жалғасып жатыр. Медальдар саны тағы да артуы мүмкін. Жалпы ұлттық құрамамыздың аяқ алысы қалай? Кімдерден үміт күтеміз? Оны Жарыстың басында жүрген әріптесім Аслан Қаженовтен білейік.

Назым Қызайбай бүгін жұдырықтасады

- Назым қытайлық қызбен жұдырықтасады. Жерлесіміз жеңіске жетеді деп үміттенемін. Токио олимпиадасында бокстан алтын жүлдеміз болған жоқ. Назым сол олқылықтың орнын толтырып, қалай да чемпион атануы керек. Сәттілік тілеймін.

Нора Джеруто финалда бақ сынайды

Нора Джеруто, Ұлттық құрама өкілі:

- Мен дәл осы жерде Қазақстанның атынан жарысқа шыққаным үшін қуаныштымын. Бұл - менің бірінші Олимпиадам. Өте бақыттымын. Жарыста жақсы жағымнан көріне алмаған сияқтымын. Ауыр болды. Енді финалдық жарысты күтеміз. Қолымнан келгеннің бәрін жасайтыныма сенімдімін.