Олимпиада күнделігі: Нұрбек Оралбай бүгін жұдырықтасады

Назым Қызайбай қола жүлдегер атанды.

Ал балуанымыз Демеу Жадыраев пен боксшымыз Нұрбек Оралбай финалда бақ сынайды. Франция астанасы Париж қаласында Олимпиада ойындары жалғасып жатыр. Жарыстың кезекті күні жерлестеріміз үшін сәтті өтті деуге болалы.

Әмір Олимпиада рекордын жаңартты. Қазақстандық спортшы Әмір Баймұратов құзға өрмелеуде өнер көрсетті. Іріктеу сайысында Маймұратов 4,89 секунд нәтиже көрсетіп, Олимпия ойындарының рекордын жаңартты.

Айта кетейік, Әмір – осы бағдарламада Олимпиадаға қатысатын Қазақстан құрамасының жалғыз спортшы. Ол ең кейінгі әлем чемпионатында 27-ші, Азия ойындарында 7-ші орынға ие болған еді.