Олимпиада-2024: Қазақстан қоржынында 7 медаль
Париж Олимпиадасында Қазақстан қоржынына 7 медаль түсті.
Құрамамыздың жалғыз алтынын 60 келі салмақ дәрежесінде күрескен дзюдошы Елдос Сметов әкелді.
Ал үздік болуға бір табан ғана жетпеген 3 спортшымыз бар. Ат жаттығуының финалында сәтті өнер көрсеткен гимнаст Нариман Құрбанов күміспен күптелді. 77 келіде белдескен грек-рим күресінің шебері Демеу Жадыраев алтынға таласта жапон балуанына жол берді. Тағы бір күміс жүлдеге 80 келі салмақ дәрежесінде өнер көрсеткен боксшы Нұрбек Оралбай қол жеткізді.
Ұлттық құрамдағы тағы бір былғары қолғап шебері Назым Қызайбай да үздік үштіктен көрінді. Оның жартылай финалдағы қарсыласы қытайлық әлем чемпионы Ву Ю болды. Мергендеріміз Ислам Сәтбаев пен Александра Ле де қола жүлдеге қол жеткізді. Бұл жұп 10 метрден пневматикалық пистолетпен нысана көздеуде үздіктер қатарынан көрінді. Бұл – медаль Париж Олимпиадасындағы Қазақстан қоржынына түскен алғашқы жүлде. Тағы бір қоланы дзюдошы Ғұсман Қырғызбаев жеңіп алды.