Ақмарал Науатбек - Паралимпиада ойындарының чемпионы
Қазақстанда тұңғыш рет стенд атудан Азия кубогі өтеді.
Турнир 20-30 қыркүйек аралығына жоспарланған. Құрлықтық додаға Азияның 40 елінен 500-ден астам спортшы қатысады.
Иә, турнир Алматы облысындағы Александр Асанов атындағы ату клубында өтеді. Жарыстың басты мақсаты – ату спортының танымалдығын арттыру, спортшылардың рейтингін анықтау.
Ақмарал Науатбек - Паралимпиада ойындарының чемпионы
Ақмарал Науатбек паралимпиада ойындарының чемпионы атанды. 48 келі салмақ дәрежесінде ел намысын қорғаған жерлесіміз ширек финалда үндістандық Кокиланың, жартылай финалда түркиялық Джахиде Екеннің жауырынын жерге тигізді. Ал ақтық сынды жергілікті спортшы Сандрина Мартинеден айласын асырды. Сөйтіп Ақмарал Қазақстан тарихындағы паралимпиададан әйелдер арасында тұңғыш әлем және паралимпиада ойындарының жеңімпазы атанды. Айта кетейік, татами шебері Парадзюдодан екі мәрте әлем чемпионы, Азия чемпионы, сондай ақ биыл парадзюдодан Гран-при жарысын жеңді.
Нұрдәулет Жұмағали - Паралимпиада ойындарының күміс жүлдегері
Қоржынға тағы бір күміс қосылды. Нұрдәулет Жұмағали 100 метрге брасс әдісімен жүзуден SB13 санаты бойынша мәрені екінші болып жүзіп өтті. Жүзудің бұл түрінен аталмыш қашықтықта Нұрдәулет әлем және Олимпиада рекордшысы, германиялық спортшы Талисо Энгельді ғана алға жіберді. Жерлесіміз финалға дейінгі іріктеуде Азия рекордын жаңартты. Ал финалдық сында ол көрсеткіштен де жылдам келді. Айта кетейік қазір ел қоржынында 2 алтын, 2 күміс және 1 қола медаль бар.
Бүгін Қазақстан мен Норвегия құрамалары кездеседі
Бүгін Қазақстан мен Норвегия құрамалары арасында ойын өтеді. Кеше қос команданың ойыншылары Алматының Орталық стадионында жаттығу жасады. Ел құрамасының бас бапкері, Станислав Черчесов аталған ойынға қарсы 28 ойыншыны шақыртқан. Құрама сапына «Тобыл» қақпашысы Стас Покатилов қосылып отыр. Данияның «Силькеборг» клубының қорғаушысы Рамазан Оразов та алаңға шығуы мүмкін. Ал Алматыдағы жасыл алаңнан ағылшын премьер-лигасының сұрмергені Эрлинг Холанн бастаған норвегиялық ойыншылар да көрінді. Қазір Холанд нағыз бабында. Одан бөлек, Мартин Эдегор, Александер Серлот сынды шеберлер бар. Дегенмен норвегиялық бапкер Қазақстан құрамасының да қарым қабілетін жоғары бағалады.
Асхат Тағыберген, футболдан Қазақстан құрама командасының капитаны:
- Бас бапкер ғана ауысты ғой. Балалар ауысқан жоқ қой көбі. Өзіміз жанұя ретінде халқымыз үшін, еліміз үшін намысын қорғауға тырысамыз.
Столе Сольбаккен, футболдан Норвегия құрама командасының бас бапкері:
- Қарсыласымыздың ойыншыларын білеміз. Бұған дейін Қазақстанның Дания мен Финляндияны жеңгенін көрдік. Жақсы нәтиже деп санаймын. Сондықтан бұл кездесу бізге оңайға соқпайды. Бірақ мақсатымыз жеңіс қана.
Қазақстан жастар құрамасы Мальтаны ірі есеппен жеңді
Қазақстан Мальтаны ірі есеппен жеңді. Футболдан Қазақстанның 20 жасқа дейінгі жастар құрамасы 2025 жылғы Еуропа чемпионатына іріктеу кезеңіндегі кезекті ойынын өткізді. Кездесудің 28-минутында семейлік Елімай командасының шабуылшы Иван Свиридов есеп ашты. Ал ойынның 50-ші минутында Айбар Абдулла есепті еселей түсті. Оған Мальталықтар 1 голмен жауап қайтарды. Кездесу аяқталуға 10 минут қалғанда Иван Свиридов қақпадан саңлау тауып, дубль авторы атанды. Ал команда капитаны Әділбек Жұмаханов 90-минутта пенальтиден ойынның нүктесін қойды. Осылайша жерлестеріміз өз алаңында қарсыластарын 4:1 есебімен жеңді. Айта кетейік, отандастарымыз В тобында Испания, Шотландия, Бельгия, Венгрия және Мальта құрамаларымен сынға түсіп жатыр. Енді жастар 10 қыркүйекте Бельгиямен, 10 қазанда шеберлік байқасады. Ал соңғы ойынын 15 қазанда өз алаңында Шотландияға қарсы өткізеді.