Көшпенділер ойындары: Қазақстан жалпыкомандалық есепте көш бастады
V Дүниежүзілік көшпенділер ойындарының екінші жарыс күні қазақстандық спортшылар үшін нәтижелі аяқталды.
Ұлттық құрамамыз жалпыкомандалық есепте 25 медальмен көш бастады. Оның ішінде 14 алтын, 3 күміс және 8 қола.
Қырғызстан құрамасы 14 медальмен екінші орынға жайғасты: 3 алтын, 7 күміс және 4 қола. Үздік үштікті 10 медальмен Ресей командасы түйіндеп тұр. Артынша Өзбекстан мен Франция ұжымдары өкшелеп келеді. Ала шапанды ағайында 2 алтын болса, франциялықтарда небәрі 1 алтын.