Бәйгеден қазақ атбегілері 6 алтынды еншіледі
Айқабақ аламан бәйгенің жеңімпазы атанды, деп хабарлайды 24kz.
Төрткүл дүние көз тіккен көшпенділер ойындарының бәйге жарысы аяқталды. Қазақ атбегілері тиесілі 7 алтынның алтауын алды. Тек жорға жарысында айырқалпақты ағайынға жол берді. Көрермен тағатсыздана күткен аламан бәйгені алматылық Сапарғали Сатпаевтың Айқабағы ұтты, екінші Жұмыртұяқ болса, қырғыз жүйрігі Қарақыз үздік үштікті қорытындылады.
Айта кетейік, 25 шақырымдық бәйгеге 27 тұлпар қатысқан болатын.