Қазақстан Ливияны айқын басымдықпен ұтты

Футзалдан ел құрамасы әлем чемпионатындағы екінші ойынын өткізіп, маңызды 3 ұпайды иеленді.

Ұлттық құрама сапынан Біржан Оразов, Рашит Жахангир және Альберт Ақбалықов көзге түсті. Ал Ливия ойыншысы Абрахим Сухайб бір голды өз қақпасын соғып алды. Есеп 4:1. Қазір жерлестеріміз 4 ұпаймен Д тобында көш бастап тұр. Алғашқы турда Қазақстан құрамасы Испаниямен 1:1 есебімен тең ойнаған болатын. Енді жерлестеріміз 21 қыркүйекте Жаңа Зеландиямен кездеседі. Матч Ташкентте өтеді. 

Пауло Рикардо Кака, футзалдан Қазақстан құрамасының бас бапкері:

- Біз бірінші кезекте жеңісті күттік, ал жанкүйерлер бізден гол күтеді. Біз көп гол соғатын құрама емеспіз. Оның үстіне біздің екі шабуылшымыз Дәурен Тұрсағұлов пен Азат Валиулин алаңға шыққан жоқ. Ең бастысы жеңіске жеттік. Бірақ бұл жеңісті ұмытып, бар назарымызды келесі ойынға саламыз.