Елордада кикбоксингтен Р. Қошқарбаев атындағы турнир өтті

Астанада Қазақстанның Халық қаһарманы Рақымжан Қошқарбаевтың 100 жылдығына орай кикбоксингтен республикалық турнир өтті, деп хабарлайды 24KZ. Додаға еліміздің 13 өңірінен 600-ге жуық спортшы қатысты. Олардың арасында әуесқойлармен қатар әлем және Азия чемпионаттарының қатысушылары бар.

Сайыс жеңімпаздары ақшалай сыйақы және медальдармен марапатталды. Турнир өскелең ұрпақтың ұлттық тарих пен мәдениетке деген қызығушылығын арттыруға арналған.

Ернар Омаров, турнир ұйымдастырушысы:

- Батырымыздың ерлігін ұлықтау үшін арнайы медаль дайындадық. Мұнда Рақымжан Қошқарбаевтың ерлігі, атап айтқанда, Рейхстагқа ту көтеруі сәті бейнеленген. Гала-финалда барлық чемпиондар 100 мың теңге сыйақы алады. Барлығы 10 ақтық сын бар. Жүлде қоры – миллион теңге.