Қазақстан чемпионатынан букмекерлік компания атаулары алынады
Қазақстан футбол федерациясы ішкі біріншіліктердің, оның ішінде Қазақстан чемпионаты және Қазақстан кубогының ресми атауынан құмар ойындар жарнамасын алып тастауға қатысты жұмыстарды бастады.
Бұл мәселе соңғы жылдары қоғамда қызу талқыланып жүр. Тіпті Парламент Мәжілісінде мақұлданып, Сенатқа жолданған заң жобасында осыған қатысты арнайы норма да енгізілді. Жақын күндері осы жұмыстардың ресми нақты нәтижесі шығуы тиіс.
Д.Қасқарауов: Спорт нысандарын көбейту керек
Спорттан үнемделген қаржы саладағы инфрақұрылымды жақсартуға жұмсалуы қажет. Яғни, мүмкіндігінше барлық жерде, әсіресе, аудандар мен ауылдарда, тіпті шалғай елді мекендерде де заманауи спорт нысандары болғаны маңызды. Бұл жөнінде Мәжіліс депутаты Данияр Қасқарауов мәлімдеді.
Айта кетейік, кеше ғана Парламент қабырғасында дене шынықтыру және спорт туралы заң жобасы екінші оқылымда мақұлданған болатын. Дәл осы құжатты дайындауда Данияр Қасқарауов өз тарапынан бірнеше ұсыныс жасап, арнайы нормалар енгізген еді.
«Енді заң аясында үнемделген қаржы, оның ішінде легионерлерге мемлекеттен бюджетінен ақша бөлмеу, олимпиадалық емес спорттарға ел қазынасына салмақ салғызбау және тағысын тағы сондай бастамалар бар, міне, содан үнемделген қаржы елдегі спорттық инфрақұрылымға жұмсалауы қажет», - дейді депутат.
Ж.Әлімханұлы келесі кездесуін Астанада өткізеді
Жәнібек келесі кездесуін Астанада өткізеді. Қазақстандық кәсіпқой боксшы Жәнібек Әлімханұлының жекпе-жегіне қатысты ақпарат пайда болды. The Ring сайтының хабарлауынша, ол алдағы сәуір айында, нақтырақ айтқанда, 5 сәуір күні Астанада жұдырықтасады. Ал, қарсыласы әзірге белгісіз. Белгілісі, британиялық Шакил Томпсонмен кездесуі мүмкін. Қазір тараптар келіссөз жүргізіп жатыр.
Айта кетейік, осының алында америкалық Sport+ басылымы да Жәнібек Астанада кездесуі өткізетіні туралы хабарлаған болатын. Қалай болғанда да, қазақстандық боксшы алдағы айқаста WBO және IBF тұжырымдары бойынша орта салмақтағы чемпиондық атақтарына қорғауы қажет. Жалпы алғанда Жәнібек Әлімханұлы кәсіпқой рингте 16 кездесу өткізіп, 16-сында да жеңіске жетті. Оның 11-ін уақытынан бұрын аяқтады. Соңғы рет былтыр қазан айында Австралияда жұдырықтасып, жаңазеландиялық Андрей Михайловичті нокаутпен ұтты.
Бақтияр Артаевқа Вел Баркер кубогы қайтарылды
Бақтияр Артаевқа Вел Баркер кубогы қайтарылды. Бұл тек Олимпиада чемпионы үшін емес, жалпы қазақ елі үшін қуаншыты жаңалық. Өйткені бокс жанкүйерлері дәл осы сәтті ұзақ күтті. Бақтияр Артаев 2021 жылы Сербиядағы әлем чемпионатында осы жүлдені Халықаралық бокс федерациясының музейіне табыстаған болатын. Сол кезде сапалы дубликаты жасалып, өзіне қайтарылатыны айтылды. Міне, сол уәде араға ұзақ уақыт салып орындалды. Әсіресе, Қазақстан бокс федерациясы оны елге қайтару үшін нақты қадамдар жасаған болатын. Нәтижесінде Қазақстан бокс федерациясының президенті Шахмұрат Мүтәліп оны ресми түрде өз қолымен Бақтияр Атбаевқа табыстады.
Айта кетейік, Вэл Баркер кубогы – Олимпиада ойындарындағы үздік боксшыға берілетін қайталанбас жүлде. 2004 жылы Афинадағы жазғы ойындарда чемпион атанған Бақтияр Артаев жарыстың үздік былғары қолғап шебері деп танылды.