Мэнни Пакьяо Райан Гарсиямен жекпе-жек өткізе ме

Америкалық боксшы Райан Гарсия (21-0 18) атақты Мэнни Пакьяомен жұдырықтасуы мүмкін, деп жазды Prosports.kz.

Бұл туралы боксшы Instagram желісіндегі жеке парақшасында хабарлады.

Гарсия жекпе-жекке арналған постердің суретін жариялап, «Армандар орындалады. Мен Мэнни Пакьяомен шаршы алаңды бөлісу құрметіне ие болдым. Рингте де, ринг сыртында да оны құрметтеймін» деп жазды:

Айта кетейік, бұл жекпе-жек туралы өзге ресми ақпарат жарияланған жоқ.

Гарсия соңғы жекпе-жегін 3 қаңтарда Далласта өткізді. Онда ол Люк Кэмпбеллді нокаутпен жеңіп, жеңіл салмақтағы WBC титулына қолжеткізді.