Елордада жаңажылдық мерекенің жақындап қалғаны сезіледі

Елордада жаңажылдық мерекелердің жақындап келе жатқаны сезіледі. Шахарды безендіру шаралары қараша айының ортасында басталғагн еді. Сырғанақтарды орнату, фотоаймақтар жасау және мұз айдындарын құю - осының бәрі Астананы біртіндеп қысқы ертегіге айналдырады. Қалалық әкімдіктің мәліметінше биылғы жылы мерекелік безендіруге бұрынғыға қарағанда азырақ қаражат жұмсалған. Егер 2023 жылы шамамен 823 млн теңге бөлінсе, 2024 жылы бұл сома 696,7 млн теңгені құрады. Көшелерді безендіруге аудан әкімдіктері жауапты.