Шетелдік БАҚ: шолу және талдау. Ғалымдар 30 жылдан кейін халық санының азаятындығын айтуда

Енді 30 жылдан кейін планета халқының саны азая бастайды. Канадалық журналист Джон Иббитсон мен саясаттанушы Даррел Брикер «Қаңыраған әлем» кітабында осы туралы жазыпты. Бұл ойдың қаншалықты қисынды екендігіне британдық Daily Mail газетінің журналистері жауап іздейді. Қазіргі таңда Жер бетінде шамамен 7,7 млрд адам тұрады. Ал 2015 жылы халық саны 9 миллиардқа жетеді. Әлем халқының саны шектен тыс көбейіп кеткенін Біріккен Ұлттар Ұйымының ескерткеніне де біраз жылдың жүзі болды. Ұйым дерегінше, Жердің ресурсы адамның сұранысына қажеттілікті қамтамасыз ете алмайды. Дегенмен «Қаңыраған әлем» кітабының авторлары зерттеу жүргізіп, осы болжамында алдағы 30 жылдан кейін халық саны азаятынын баяндайды.