Шымкентте бокстан халықаралық турнир өтті
Шымкент қаласында бірер күн бұрын бокстан халықаралық турнир өтті. Бұл отандық боксшылар үшін Париж олимпиадасынан кейінгі алғашқы ресми жарыс саналады. Олимпиададағы нәтижеге көпшіліктің көңілі толмады. Біраз сындар айтылды. Құзырлы федерация соның барлығын ескеріп, еліміздегі ең үздік боксшыларды дәл осы жерге жинап, 5 күн бойы өзара мықтыны анықтатты. Осы жарыста топ жарғандары алдағы Азия чемпионатында ел намысын қорғауға мүмкіндік алды.