Мемлекет басшысы Канада премьер-министрін ұлттық мерекемен құттықтады

Мемлекет басшысы Канада Премьер-министрін ұлттық мерекемен құттықтады. Қасым-Жомарт Тоқаев Канада күніне орай Марк Карниге жеделхат жолдады.

Президент еліміз Канадамен көпжылдық серіктестікті жоғары бағалайтынын айтып, екіжақты байланысты одан әрі нығайтуға бейіл екенін растады. Қасым-Жомарт Тоқаев Марк Карнидің жауапты қызметіне табыс, ал достас Канада халқына құт-береке тіледі.