Астанада түнгі автобустар іске қосылады

Астанада түнгі автобустар жүре бастайды, деп хабарлайды 24kz.

Қоғамдық көлік қозғалысына жауапты компания бүгіннен бастап түнгі бағдар қосылатынын хабарлады.

Атап айтқанда нөмірі №201, №202, №203 автобустар түнгі 00.00-ден бастап таңғы 06.00-ге дейін қатынайды.

Біріншісі Теміржол вокзалынан «Пригородный» тұрғын алабына дейін, екіншісі «Отау» шағын ауданынан «Жағалау» ауданына дейін, үшіншісі «Көктал 1» тұрғын алабынан «Нұрлыжол» теміржол вокзалына дейін жүреді. Жол жүру құны күндізгі автобустардағыдай 90 теңге болады.