Қазақстандық оқушылар робототехникадан әлем чемпионы атанды
Қазақстандық оқушылар робототехникадан үш дүркін әлем чемпионы атанып, рекорд жасады, деп хабарлайды 24kz.
Олар 190 елдің арасынан басты жүлдені жеңіп алды. Грекияда робототехникадан ең ірі чемпионат өз мәресіне жетті.
«Біз жарыста топ жарып, еліміздің жүлде қоржынын алтын медальмен толықтырдық», - деді құраманың жаттықтырушысы Асылбек Мұрзахметов. Жаһандық челленджде Қазақстан құрамасы үшінші жыл қатарынан өзінің чемпиондық атағын ешкімге бермей келеді. Қазақстан 2022 жылы Женевада, 2023 жылы Сингапурде жеңіске жеткен болатын.