Қазақстанда мектеп оқушыларының алдағы 2026–2027 оқу жылындағы каникул кестесі мен оқу кезеңдері белгілі болды, деп хабарлайды «24KZ».
Мектептердегі оқу процесі әдеттегідей төрт тоқсанға бөлінген: бірінші және екінші тоқсан 8 аптадан жалғасса, ең ұзақ үшінші тоқсан 10 аптаны құрайды, ал оқу жылы 8 апталық төртінші тоқсанмен аяқталады.
Оқушылардың демалыс кестесі мен каникул күндері министрлік бекіткен бұйрыққа сәйкес төмендегідей болып бекітілді:
Күзгі каникул: 2026 жылғы 26 қазан мен 1 қараша аралығы (7 күн).
Қысқы каникул: 2026 жылғы 28 желтоқсан мен 2027 жылғы 10 қаңтар аралығы (14 күн).
Көктемгі каникул: 2027 жылғы 22–28 наурыз аралығы (7 күн).
Сонымен қатар, бірінші сынып оқушылары үшін 2027 жылдың 8–14 ақпаны аралығында қосымша демалыс беріледі.
Бұдан бөлек, мереке күндеріне байланысты қазан айындағы Республика күні 25 қазан жексенбіге түсуіне орай 26 қазан заңды демалыс болып белгіленді, ал қараша айында қосымша демалыс күндері қарастырылмаған. Ал желтоқсанда қазақстандықтар Тәуелсіздік күніне орай 16 желтоқсанда демалады.
