Атырауда екі мектеп ашылды

Атырауда 4 мың балаға арналған екі Binom мектебі ашылды.

Жаңа білім ордаларының арқасында «Сарыарқа» және «Нұрсая» шағын аудандарындағы мектеп тапшылығы шешіледі. Инновациялық мектеп қазақ және орыс тілдерінде оқытады. Аумағы 22 мың шаршы метрді құрайтын қос нысанда жүзге жуық оқу кабинеті, 6 кеңейтілген зертхана, 2 спорт залы мен хореография залы орналасқан. Сондай-ақ металл және ағаш ою, тігін тігу, аспаздық шеберханалары қарастырылған. Кітапхана қорында 10 мың кітап бар. Ал педагогикалық құрам арнайы іріктеуден өтті. Қос мектепте 400-ге жуық мұғалім сабақ беретін болады.