IQanat республикалық олимпиадасының жеңімпаздары марапатталды

Алматыда IQanat республикалық олимпиадасының жеңімпаздары марапатталды.

Олимпиада 8 сынып оқушыларына арналған. Биылғы сайыстың алғашқы кезеңіне 50 мыңға жуық бала қатысты. Екінші кезеңге 10 мың бала іріктеп алынды. Ал финалдық сынаққа мың оқушы өтіп, тест қорытындысы бойынша 100 бала IQanat мектебінде қабылданды.  IQanat – отандық кәсіпкерлердің ауыл балаларына сапалы білім беруге бағытталған әлеуметтік-білім беру жобасы. Республикалық олимпиаданың финалдық кезеңі әр жылы әр өңірде ұйымдастырылады.

Бақтияр Қылышбай, Олимпиада жеңімпазы:

- Басында мен білмедім бұл мектеп екенін. Бірақ екінші турда біліп, мен осы Ай-қанатқа түскім келді. Бұл мектеп өте жақсы деп ойлаймын. Ауылдағы оқушыларға өте көп пайда береді, деп ойлаймын.

Зухра Шегенова, IQanat қорының академиялық директоры:

- Біздің аудитория нақты ауыл баласы. Өйткені біл өзіміз жақсы білеміз ауыл балалары мен қала балаларының аралығындағы білім алшақтағы өте үлкен. Сондықтан бұны біз негізгі мақсат етіп алып, осы ауыл балаларын іріктеп, оларды оқытып сапалы білім беріп, тек қана осы ЖОО түсуге жағдай жасаймыз.