ҰБТ-2024. Ең жоғары балл – 138

Елімізде 2024 жылғы ҰБТ-ның аралық қорытындысы жарияланды.

Оған сәйкес, талапкерлер 211 мың рет тестілеуден өткен. Өңірлер бойынша ең көп қатысушы Алматы қаласында, ең азы Ұлытау облысында тіркелді.

Ұлттық тестілеу орталығы келтірген мәліметке сәйкес, биыл ҰБТ-ны талапкерлердің 74 пайызы қазақ тілінде, 30 пайызы орысша, 171 адам ағылшын тілінде тапсырған.

Шекті балды 76 пайызға жуығы жинаған. Орташа балл – 68. Ең жоғары балл – 138. Тағы 8 адам 137 балл жинағаны белгілі.

Бұдан бөлек, тыйым салынған заттарды алып өтпек болған 267 талапкер тестілеуге қатысу мүмкіндігінен айырылды. Тағы 120 адам аудиториядан шығарылып, нәтижесі жойылған.