Түрколог ғалым Қаржаубай Сартқожаұлы өмірден өтті

Филология ғылымдарының докторы Қаржаубай Сартқожаұлы дүниеден өтті.

Белгілі түрколог 1947 жылы 21 наурызда Моңғолияның Баянөлғей өлкесінде дүниеге келген. Моңғолия мемлекеттік университетін бітірген. 1985-1988 жылдары Ленинградтағы Шығыстану институтының аспирантурасында оқыған. 1975-1989 жж. Моңғолия ҒА Тарих институтының жетекші ғылыми қызметкері, бөлім меңгерушісі ретінде еңбек етті. 1993-1996 жж. Түркі-Қазақ ғылыми орталығының аға ғылыми қызметкері, директоры, 1996-1999 жж. Баянөлгей аймақтық мәслихат төрағасы, ал 1999-2001 жж. Моңғолия ҒА-ның Баян-Өлгей аймағындағы Түркі-Қазақ ғылыми орталығының директоры болған.