Қазақстанда Иллинойс университетінің филиалы ашылуы мүмкін

АҚШ-тың үздік ЖОО саналатын Иллинойс университеті Қазақстанда филиалын ашуы мүмкін.

Бұл туралы университет басшысы Роберт Джонс қазақстандық дипломаттармен кездесуде мәлімдеді. Қазақстанның АҚШ-тағы Елшісі Ержан Ашықбаев университет басшысын білім саласы бойынша ынтымақтастықты тереңдетуге шақырып, Қазақстанда оқу орнының филиалын ашуды ұсынды. Джонс өз кезегінде ұсынысқа қарсы еместігін және серіктестік орнатуға дайын екенін жеткізді.

Айта өтейік, Иллинойс университетінің инженерлік-техникалық білім беруде әлеуеті жоғары.

Роберт Джонсон, Урбана-Шампейндегі Иллинойс университетінің ректоры:

- Біз өзіміздің жаһандық қатысымызды кеңейту үшін басқа елдерде де бірнеше келісімді қарастырып жатырмыз. Мақсатымыз – әлемнің маңызды стратегиялық аймақтарында өз позициямызды нығайту. Жоспарларымыздың бір бөлігі жаңа мүмкіндіктер мен стратегияларды зерттеуді қамтиды. Мен өзімді глобалист адам ретінде санаймын, бірақ ол аймақты әлі көрмедім. Сондықтан әрдайым біздің жаһандық командаға қосылуға шақырамыз.