Қазақстан студенттері Франциядағы халықаралық чемпионатта топ жарды

Қазақстандық колледж студенттері Францияда өткен WorldSkills-2024 халықаралық чемпионатында топ жарды, деп хабарлайды 24KZ.

Жұмысшы мамандықтардың рөлін арттыруға бағытталған жарысқа 69 мемлекеттен 1500-ге жуық студент қатысты. Ұлттық құрамамыз командалық есепте 7 жүлде еншілеп, тарихи жетістікке жетті. Олардың веб-технологиялар, сән технологиясы, желілік және жүйелік әкімшілендіру, құрғақ құрылыс және сылақ жұмыстары, мобильді робототехника, қонақүй және мейрамхана сервистері бағытындағы жұмыстары жоғары бағаланды.

Айта кетейік, былтыр қазақстандық команда EuroSkills чемпионатында 6 жүлде жеңіп алды.