Робототехника: оқушыларымыз дүниежүзілік First Global олимпиадасына қатысады
Қазақстан құрамасы Грекияның Афина қаласында өтетін робототехникадан дүниежүзілік олимпиадада ел намысын қорғайды, деп хабарлайды 24kz.
Кеше оның ашылу салтанаты өтті. Жарысқа әлемнің 190 елінен келген жас инженерлер қатысады. Биылғы ойын әлеуметтік мәселелерге арналған. Бұл сайыста біздің құраманың қатарында 11 мен 12-сынып оқушылары бақ сынайды. Олар 40-тан астам команданың арасында ұлттық іріктеуден өтіп, 1,5 ай бойы өз білімдерін жетілдірді. Енді дүниежүзілік додада отандық өнертапқыштарымыз азық-түлікке қатысты проблеманың шешілуіне бағытталған жобаны ұсынады.