Қазақстанның білім беру ұйымдарында 600 мыңға жуық педагог жұмыс істейді

Елдегі барлық білім беру ұйымында 600 мыңға жуық педагог бар, деп хабарлайды 24kz.

Оның шамамен 400 мыңы мектепте жұмыс істейді. Оқу-ағарту министрлігінің мәліметінше, 10 жылға дейінгі еңбек өтілі бар 142 мыңнан астам жас маман оқу ордасында қызмет етеді. Ал 114 мыңнан астам ұстаздың 10 жылдан астам еңбек өтілі бар. Салада 30 жылдай қызмет етіп келе жатқан педагогтердің саны 77 мыңға жуықтайды. Сондай-ақ 66 мыңдай мұғалім ширек ғасырдан астам бір салада жұмысын абыройлы атқарып келеді.

Бұған қоса, білім беру ісінде техникалық және кәсіптік ұйымдардың мамандарын атап өту керек. Онда 41 мың педагог бар. Ал балабақшаларда 100 мыңнан астам тәрбиеші еңбек етеді.