Астанада жаңа білім орталығы ашылды

Бас қалада Sun Study білім беру орталығы ашылды, деп хабарлайды 24kz

Онда тіл, мектепке дейінгі дайындық курстары және домбыра, шахмат, робототехника үйірмелері жүргізіледі. Әрбір кабинетке Әлихан Бөкейхан, Ахмет Байтұрсынұлы, Мағжан Жұмабаев секілді белгілі қазақ қайраткерлерінің есімі берілген. Жоба жетекшілері: «Білім мен дәстүрді қатар үйретеміз, ұрпақ бойында ұлтжандылықты дәріптейміз», - дейді.

Арман Әубәкір, оқу орталығының директоры:

-  Негізгі ерекшелігіміз, біз ұлттық құндылықтарға, қазақи тәрбиеге қарай, қазақтың тарихына мүмкіншілігіне қарай балаларды тәрбиелесек деген ойдамыз, сондай мақсаттамыз. Сол мақсатта әрбір бөлмені Алаш арыстарының атымен атап, мысалы Әлихан бөлмесі, Міржақып бөлмесі, Ахмет бөлмесі, Мағжан Жұмабаев бөлмесі деген сияқты бөлмелерге атау қойып, суреттерін солай орналастырдық.