Қазақстандық 21 ЖОО әлемнің үздік университеттерінің халықаралық рейтингіне енді
Қазақстандық 21 ЖОО әлемнің үздік университеттерінің халықаралық рейтингіне енді.
Жоғарғы оқу орындары 245-ке жуық бірлескен білім беру және қос дипломдық бағдарламаларды іске асырып келеді. Times Higher Education рейтингіне қазақстандық 29 жоғары оқу орны қатысып, оның ішінде 4 жоғары оқу орны тізімнен орын алды. Жыл сайын 200 шетелдік ғалым келіп дәріс оқиды. Тізілімге 8 мыңнан астам білім беру бағдарламасы енгізілді, оның 57%-ы жаңартылды.
Цифрлық университеттердің моделі жасалды. 2023 жылдан бастап бұл модель 2 Қаныш Сәтбаев университеті және Дәулет Серікбаев атындағы Шығыс Қазақстан техникалық университеті базасында пилоттық режимде іске қосылды. Ынтымақтастықты дамыту және оқытудың инновациялық технологияларын қолдану мақсатында Coursera, Huawei Technologies Kazakhstan, Binance Kazakhstan сияқты ірі компаниялармен келіссөздер жүргізіліп, меморандумдарға қол қойылды.