EMBA Sport Management бағдарламасының алғашқы түлектеріне диплом табысталды

Астанада Дене шынықтыру және бұқаралық спорт академиясының алғашқы 39 түлегіне диплом табысталды, деп хабарлайды 24KZ. Олар EMBA Sport Management бағдарламасы бойынша білім алған.

Білімін шыңдаған азаматтардың арасында елдің бірқатар аймағындағы спорттық мекемелердің басшылары мен жаттықтырушы бапкерлер бар. Бағдарлама аясында олар қаржыны тиімді басқару, саланы одан әрі дамыту және әріптестерімен қарым-қатынаста қажетті дағдыларды меңгерді. Сондай-ақ халықаралық тәжірибе алмасу мақсатында Польшаға барып, біліктілігін арттырды. Қазір академияда 150-ден астам адам білім алып жатыр.

Ербол Мырзабосынов, ҚР Туризм және спорт министрі:

- Әлемнің мықты-мықты әлемдік спортта бәсекелесу үшін біз мықты, жан-жақты әдістемелерді әкеліп, білім бағдарламаларын әкеліп, мамандарды үйретіп жатырмыз. Бүгінгі күні спортта спорттық ғылымның керектігі  ауадай қажет. Сондықтан осы жерден бітірген түлектер әр спорт бағытында өздерінің білімдерін жұмсайды деген сенімдеміз.

Раиса Байлиева, Ақтөбе қалалық №1 орта мектебінің дзюдо үйірмесінің жетекшісі:

- Сабақтан бөлек, біз дейтін практикалық жұмыстармен тәжірибе жинап алдық. Оның ішінде біз Олимпиада чемпиондарымен кездесіп, олардың бағдарламасын өзімізге ыңғайын көріп, сараптама өткіздік. Біз өзімізге көп мәселе түртіп алдық.