Елімізде алдағы күнде ауа райы қандай болады?
Бүгін елордада найзағай ойнап, жаңбыр жауады, деп хабарлайды 24kz.
Ауа температурасы күндіз 29 градусқа дейін көтеріліп, түнде 18-ге түседі. «Қазгидромет» мамандарының айтуынша, Алматы мен Шымкент қалаларында күн райы жауын-шашынсыз болады. Ел аумағына, Жерорта теңізінен келген жылы ауа ағыны байқалады. Сондықтан еліміздің басым бөлігінде ауа райы 35 градусқа дейін жоғарылайды. Ал, оңтүстікте сынап бағанасы 42 градусқа дейін жетеді. Аптап ыстық салдарынан бірқатар өңірлерде өрт қаупі бар. Қызылорда облысының Шиелі ауданында алдағы 10 күнде құрғақшылық болуы мүмкін.