Солтүстікте қатты жаңбыр мен дауыл күтіледі

Бүгін елдің басым бөлігінде ауа райының тұрақсыз сипаты сақталады.

Елдің солтүстігінде қатты жаңбыр, бұршақ, дауыл күтіледі. Республика бойынша тұман, жел күшейеді деген болжам бар. Синоптиктердің мәліметінше, күндіз Алматы, Қызылорда, Жетісу облыстарында күн қатты ысиды. Атырау, Жамбыл, Ұлытау облыстары, Абай өңірінің батысында, Түркістан облысының шөлейтті аудандарында қатты ыстық болады. Маңғыстау, Түркістан, Жамбыл, Алматы, Ұлытау, Қызылорда облыстарында өрт қаупі жоғары болады.