Air Astana: ұшақ рейстері кешігеді

Күн райының күрт бұзылуынан ұшақтар кешігіп ұшатын болды.

Бұл туралы Air Astana хабарлады. Компания өкілдерінің айтуынша, кеше яғни 8 тамыздағы ауа райының қолайсыздығынан 4 ұшаққа зақым келген. Дауылды жауын мен мұз бұршақтан зақымданған әуе көліктеріне бүгін жөндеу жұмыстары жүргізіліп жатыр. Қолайсыздық үшін жолаушылардан кешірім сұраған мамандар рейстің ұшу уақытын әуе компаниясының сайтынан қарап отыруға кеңес берді. 

Тілек Әбдірахимов, "Air Astana" корпоративтік байланыстар бойынша менеджері:

- Рейстердің кешігу себебі Астанадағы 8 тамызда болған бұршақ пен қатты жел салдарынан 4 ұшақтың зақымдануына байланысты қазіргі таңда жөндеу жұмыстары жүргізіліп жатыр. Және бұл бірнеше күнге созылмақ. Жолаушыларымыз әуежайға бармас бұрын әуе компаниясы сайтынан рейс мәртебесін тексерулерін сұраймыз.