Астанада күн суытады

Бүгін түнде елордада температура 2 градусқа дейін төмендейді, деп хабарлайды 24kz.

Ал күндіз термометр бағаны 18 градус жылыны көрсетеді. Сондай-ақ көшпелі бұлт жүріп, тұман түсуі мүмкін. Жел күшейіп, екпіні секундына 20 метрге жетеді. Синоптиктер Алматыда күн күркіреп, жаңбыр жауатынын болжап отыр. Онда 17 градус жылы болады. Ал Шымкентте күн бұлтты болғанымен, жауын жаумайды. Еліміздің басым бөлігінде жел күшейеді. Солтүстік және шығыс аймақтарда түнгі және таңғы уақытта ауа температурасы 2 градусқа дейін төмендеп, үсік жүреді.