Биткоин бағасы құлдырады
Қазір оның құны 66 мың доллар шамасында, деп хабарлайды 24kz.
Бұл – кейінгі бір аптадағы ең төмен көрсеткіш. Бірер күн бұрын ғана аталған криптовалюта 4 мың долларға қымбаттап, 69 мың доллардан саудаланған еді. Сала мамандарының айтуынша, мұндай өсімге ірі қаржы ойыншылары тарапынан биткоинді арнайы қорлар арқылы инвестициялауы әсер еткен. Биткоинның бағасына қатысты ең жоғары өсім биыл наурызда тіркелді. Сол кезде цифрлық валюта 73700 долларға жетіп, тарихи рекорд орнады.