Елдің кей аймағында боран соғып, көктайғақ болады

Қазгидромет бірқатар өңірде қолайсыз күн райына байланысты ескерту жариялады.

Алдағы күндері ел аумағында боран соғып, жауын-шашын, көктайғақ, қар аралас жаңбыр жауады, тұман түсіп, жел күшейеді. Республиканың шығысында, оңтүстік-шығысында қалың қар жауады деген болжам бар. Ал еліміздің солтүстік-батысында түнде ауа температурасы 10-18, солтүстігі мен орталығында 15-25 градусқа дейін төмендейді. Оңтүстік және оңтүстік-шығыста 10-17, таулы аудандарда 20-27 градусқа суытады.